حروف منطوقة

موضوع: حروف منطوقة 25/1/2009, 13:15

حروف منطوقة

حاك الناس وعزم على ذاتك تكون
لا يكون بالك بعيد مرهون
حْضَرْ وُ حَضَرْ،
وارمي البالي ليك مايكون
عين الكلام و دير لجام،
قالو حروفك دايخة
لا تكون درهم كثير الصرف
لا تكون زواقة تمشي بالخف
وُ كون ربيعة سارحة فين
تداوي المريض
تقسم الحديد
وتعطي الغلة و تزيد
و مايضرها طول الشوكة
لراها بكات وشكات
ما دسرها راعي ولا خطاط مرير
خويا، ولدي وُ بويا
هاذي حروفي مغربي منطوقة
خودها و ارسم طريقك و تكون مبروكة
و دابا هنيني حلقي تاه على كلام المعاني
تكلم بزاف وما فهمني غيرالبراني
يكفاني يكفاني
يكفاني حر الظل الغابر لي بيه عيت
بالحق ما قداني
صافي سد الباب
صافي سمعنا نواح الاحباب
وقفي يا قلامي